Peepli Song Lyrics In Hindi | Peepli Rajasthani Song Lyrics In Hindi | Rajasthani Marwadi Song Lyrics Hindi

Peepli Rajasthani Song Lyrics In Hindi | Peepli Is A Latest Superhit Rajasthani Song | This Song Sung By Seema Mishra | Rajasthani Marwadi Song Lyrics In Hindi

Peepli Rajasthani Song Lyrics In Hindi

बाय चाल्या छा भंवर जी पींपळी जी

हांजी ढोला हो गई घेर घुमेर

बैठण की रूत चाल्या चाकरीजी

ओजी म्हारी सास सपूती रा पूत

मत ना सिधारो पूरब की चाकरी जी............

परण चाल्या छा भंवर जी गोरड़ी़ जी

हांजी ढोला हो गई जोध जवान

निरखण की रुत चाल्या चाकरी जी

ओ जी म्हारी लाल नणद बाई रा बीर

मत ना सिधारो पूरब की चाकरी जी......,.....

कुण थारां घुड़ला भँवर जी कस दिया जी

हाँजी ढोला कुण थानै कस दीनी जीन

कुण्यांजी रा हुकमा चाल्या चाकरी जी

ओजी म्हारे हिवड़ा रो नौसर हार

मत ना सिधारो पूरब की चाकरी जी ............

रोक रुपैया भंवर जी मैं बणूं जी

हां जी ढोला बण ज्याऊं पीळी पीळी म्होर

भीड़ पड़ै जद सायबा बरत ल्योजी

ओजी म्हारी सेजां रा सिणगार

पिया की पियारी ने सागे ले चलो जी............

कदेई नां ल्याया भंवर जी चूनड़ी जी

हां जी ढोला कदेई ना करी मनवार

कदेई नां पूछी मनड़ै री वारता जी

हां जी म्हारी लाल नणद रा बीर

थां बिन गोरी नै पलक ना आवड़ै जी..........

बाबोसा नै चाये भंवर जी धन घणों जी

हां जी ढोला कपड़े री लोभण थारी माय

सैजां री लोभण उडीकै गोरड़ी जी

हां जी थारी गोरी उड़ावै काळा काग

अब घर आओ धाई थारी नौकरी जी...........

चरखो तो लेल्यो भंवर जी रांगलो जी

हां जी ढोला पीढ़ो लाल गुलाल

मैं कातूं थे बैठ्या बिणजल्यो जी

ओजी म्हारी लाल नणद रा बीर

घर आओ प्यारी ने पलक ना आवड़ै जी............

सावण सुरंगों लाग्यो भादवो जी

हां जी कोई रिमझिम पड़े है फुहार

तीज तिंवारा घर नहीं बावड़्या जी

ओजी म्हारा घणा कमाऊ उमराव

थारी पियारी नै पलक ना आवड़ै जी..........

फिर घिर महिना भंवर जी आयग्या जी

हाँ जी ढोला हो गया बारा मास

थारी धण महला भंवर जी झुर रही जी

हाँ जी म्हारे चुड़ले रा सिणगार

आच्छा पधारया पूरब की नौकरी जी.............

उजड़ खेड़ा भंवर जी फिर बसे जी

हाँ जी ढोला निरधन रे धन होय

जोबन गयां पीछे नांही बावड़े जी

ओजी थाने लिख हारी बारम्बार

जल्दी घर आओ थारी धण एकली जी........

जोबन सदा नां भंवर जी थिर रवे जी

हाँ जी ढोला फिरती घिरती छाँव

कुळ का तो बाया मोती नीपजे जी

ओ जी थारी प्यारी जोवै बाट 

जल्दी पधारो गोरी रे देस में जी..........

बाय चाल्या छा भंवर जी पींपळी जी

हां जी ढोला हो गई घेर घुमेर

बैठण की रूत चाल्या चाकरीजी

ओजी म्हारी सास सपूती रा पूत

मत ना सिधारो पूरब की चाकरी जी............

Credits :-

Singer : seema mishra

Music : nirmal mishra

Label : veena music