बालमा Baalma Song Lyrics - Rapperiya Baalam

 

Baalma Song Lyrics by Prakash Jangir. Baalma song sung by Rapperiya Baalam.  This song music given by Rapperiya Baalam 

BAALMA SONG LYRICS IN HINDI

महल, माळिया, गाड़ी, घोड़ा

की कोई दरकार नहीं 

रूखी-सूखी भी खा लेस्यूं 

जीव न कोई घ्यार नहीं

चोट-दर्द सब सहण कर सकू

पण दूरी ना सहण करूं

थे जद रूसो तो पाछे

म्हारे सांस लेण मं सार नहीं

आंख बादळी बण ज्यावे

और बिरखा को लोर न टूटे 

पल-पल इक अरदास करूं मैं

सांची प्रीत की डोर न टूटे

ओ बालमा...ओ बालमा...

प्यार स्यूं एक बार देख बालमा

ओ बालमा...ओं बालमा...

प्यार स्यूं एक बार देख बालमा

थे सावण की सीली-सीली

जियां कोई प्रभात पिया

में बायरियो ठंडो-ठंडो

रेणो थारे साथ पिया 

जठ-जठ निजर पसारूं तो

मने एक नजारो रोज मिले

तितल्या फूलां स्यूं करती रे

थारी म्हारी बात पिया

राम करे रहती दुनिया तक

बातां को ओ दौर न टूटे

पल-पल इक अरदास करूँ म

सांची प्रीत की डोर न टूटे

ओ बालमा...ओ बालमा...

प्यार स्यूं एक बार देख बालमा

ओ बालमा...ओ बालमा...

प्यार स्यूं एक बार देख बालमा

मं सो ज्याऊं और थे म्हारी

नींद मायने जागो सा 

थारो म्हारो साथ जियां कोई

दिल-धड़कन को सागो सा 

थांके ऊपर आती आंच न

साजन में खुद पर ले ल्यूं

हंसता रया करो बालम थे

हंसता चोखा लागो सा 

थे जद ना जीमो तो म्हास्यूं 

रोटी को इक कोर न टूटे 

पल-पल इक अरदास करूँ मं

सांची प्रीत की डोर न टूटे

ओ बालमा...ओ बालमा...

प्यार स्यूं एक बार देख बालमा

ओ बालमा...ओ बालमा...

प्यार स्यूं एक बार देख बालमा